កំពង់ឆ្នាំង ៖នៅព្រឹកថ្ងៃទី០១ ខែកុម្ភៈ ឆ្នាំ២០១៧ លោកជំទាវ កែ ច័ន្ទមុនី អ្នក
តំណាងរាស្រ្តគណបក្សប្រជាជនកម្ពុជាខេត្តកំពង់ឆ្នាំង និង ឯកឧត្តមឧកញ៉ា
កុយ សុវណ្ណ ក្រុមការងារថ្នាក់កណ្តាល និង ជាអនុប្រធានក្រុមការងារចុះជួយ
ស្រុកកំពង់ត្រឡាច រួមដំណើរដោយ ឯកឧត្តមម៉ាត់ ម៉ូត និង លោកជំទាវ
តុង ណារីសមាជិកក្រុមប្រឹក្សាខេត្តព្រមទាំងអាជ្ញាធរដែនដីបានចុះសាកសួរ
សុខទុក្ខ និង នាំយកអំណោយ ចែកជូនដល់បងប្អូនខ្មែរឥស្លាមចំនួន២៥៥
គ្រួសារ ស្ថិតក្នុងភូមិអណ្តូងទ្រមូង ឃុំឈូកស ស្រុកកំពង់ត្រឡាច ខេត្តកំពង់ឆ្នាំង។
លោកជំទាវតុងណារីសមាជិកក្រុមប្រឹក្សាខេត្តកំពង់ឆ្នាំងបានអោយដឹងថា៖
គ្រួសារបងប្អូនខ្មែរឥស្លាម ក្រីក្រ ពិការនិង ជនចាស់ជរាគ្មានទីពឹងទាំង២៥៥
គ្រួសារក្នុងមួយគ្រួសារៗទទួលបានមី២៥កញ្ចប់, អង្ក២០គីឡូក្រាម,ទឹកត្រី១យួរ
និងថវិកា២ម៉ឺនរៀល។លោកជំទាវបានបន្តថា៖ឯកឧត្តម ឧកញ៉ា កុយសុវណ្ណក៏
បានជួយសាងសង់របងព្រះវិហារខ្មែរឥស្លាមស្ថិតក្នុងភូមិអណ្តូងទ្រមូង
បានចំនួន១១៧,៥ម៉ែត្រឯកឧត្តមក៏បានសន្យាជួយសាងសង់បង្ហើយ
របងព្រះវិហារជូនបងប្អូនឥស្លាមផងដែរ។
មានប្រសាសន៍ក្នុងឱកាសនោះលោកជំទាវកែច័ន្ទមុនីនិងឯកឧត្តម
ឧកញ៉ា កុយ សុវណ្ណ បានពាំនាំនូវប្រសាសន៍ផ្តាំផ្ញើ សាកសួរសុខទុក្ខ
ពីសំណាក់អគ្គមហាសេនាពញាចក្រីហេងសំរិនប្រធានរដ្ឋសភា សម្តេច
អគ្គមហាសេនាបតីតេជោហ៊ុនសែននាយករដ្ឋមន្រ្តី សម្តេចកិត្តិព្រឹទ្ធបណ្ឌិត
ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា សម្តេចចៅហ្វាវាំងគង់
សំអុលឧបនាយករដ្ឋមន្រ្តីរដ្ឋមន្រ្តីព្រះបរមរាជវាំង ដែលកន្លងមកសម្តេច
តែងតែនឹករលឹក គិតគូរពីសុខទុក្ខ ពីផលលំបាកក្នុងការរស់នៅរបស់បង
ប្អូននៅគ្រប់ទីកន្លែងនៅពេលដែលមានទុក្ខលំបាក គឺសម្តេចតែងផ្តល់
ជូននូវអំណោយជូនដល់បងប្អូនគ្រប់ៗគ្នាទាំងអស់ដោយមិនប្រកាន់
ពូជសាសន៍ និង និន្នាការនយោបាយឡើយ។
លោកជំទាវកែច័ន្ទមុនីនិងឯកឧត្តមឧកញ៉ា កុយ សុវណ្ណ បានបន្ត
ទៀតថា៖ទោះបីអំណោយនេះវាតិចតួចពិតមែនតែវាអាចជួយដោះស្រាយ
ការលំបាករបស់បងប្អូនលោកយាយបានមួយគ្រាផងដែរ។
លោកជំទាវកែច័ន្ទមុនីនិងឯកឧត្តមឧកញ៉ា កុយ សុវណ្ណ ក៏បានផ្តាំផ្ញើដល់
ប្រជាពលរដ្ឋទាំងអស់ត្រូវខិតខំថែទាំសុខភាព,ចូលរួមគោរពច្បាប់ចរាចរណ៍ផ្លូវ
គោកថ្មីទាំងអស់គ្នា,ត្រូវអប់រំកូនចៅអោយខិតខំរៀនសូត្រនិងជៀសអោយឆ្ងាយ
ពីគ្រឿងញៀន,កុំធ្វើចំណាកសុ្រកខុសច្បាប់,កុំប្រព្រឹត្តអំពើអប្បាយមុខផ្សេងៗ
ដែលសង្គមស្អប់ខ្ពើម,កុំជឿឧបាយកលរបស់ជនអគតិមួយចំនួនដែលធ្វើអោយ
មានអស្ថេរភាពក្នុងសង្គមនិងទៅចូលរួមបោះឆ្នោតអោយបានគ្រប់គ្នានៅឆ្នាំ
២០១៧និង២០១៨ខាងមុខនេះ។
គ្រួសារបងប្អូនខ្មែរឥស្លាមក្រក្រី ពិការ និង ចាស់ជរាគ្មានទីពឹងទាំង២៥៥
គ្រួសារសូមគោរពជួនពរដល់សម្តេចពញាចក្រីហេងសំរិន សម្តេចអគ្
គមហាសេនាបតីតេជោ ហ៊ុន សែន សម្តេចកិត្តិព្រឹទ្ធបណ្ឌិត ប៊ុនរ៉ានី
ហ៊ុនសែន ,សម្តេចចៅហ្វាវាំងគង់សំអុល លោកជំទាវកែច័ន្ទមុនី និង
ឯកឧត្តម ឧកញ៉ា កុយ សុវណ្ណព្រមទាំងក្រុមការងារទាំងអស់ សូម
ទទួលបានជ័យជំនះឈ្នះមារសត្រូវគ្រប់ទិសទី ដើម្បីដឹកនាំប្រទេស
ជាតិប្រកបដោយសុខសន្តិភាព សុខដុម្យរមនា និងឆ្ពោះទៅកាន់វឌ្ឍនភាព
និង ភាពសម្បូរសប្បាយរុងរឿងរហូតតទៅ៕vannak
