កំពង់ឆ្នាំង៖ ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំងបានលើកឡើងថា៖
ដល់ពេលត្រូវ បិទអាជីវកម្មយកថ្មភ្នំណា ដែលមិនព្រមអនុវត្តន៍តាមគោលការច្បាប់
ហើយ ព្រោះតែមានអាជីវកម្មយកថ្មភ្នំខ្លះមិនគោរពតាមបទដ្ឋានច្បាប់ និងខ្លះទៀត
មានច្បាប់ហើយតែមិនអនុវត្តន៏តាម ។ ឯកឧត្តម បានលើកឡើងបែបនេះនៅក្នុងកិច្ចប្រជុំ
មួយជាមួយមន្ត្រីរាជការជាប្រធានមន្ទីរអង្គភាពជុំវិញខេត្ត កាលពីចុងខែធ្នូ ឆ្នាំ២០១៦ ។
ឯកឧត្តមឈួរច័ន្ទឌឿនអភិបាលខេត្តបានបញ្ជាក់ថែមទៀតថា៖ ត្រូវបិទអាជីវកម្មណា
ដែលមិនគោរពទៅតាមច្បាប់ ហើយ បើមានអ្នកចង់មកវិនិយោគបើកការដ្ឋានកិនថ្មថ្មី ត្រូវអោយគេទៅធ្វើ នៅការដ្ឋានចាស់ដដែល មិនអោយធ្វើកន្លែងថ្មីទៀតឡើយ ព្រោះបើកមិនដូចនេះទេកន្លែងណាក៏គេយកថ្ម អាណាធិបតេយ្យ គ្រប់តែកន្លែងអញ្ចឹង
មិនខានឡើយ ។ ការគ្រប់គ្រងត្រូវមានប្លង់គោល អោយបានច្បាស់លាស់ គឺមិន
មែនចេះតែអោយ ច្បាប់ច្រើនពេកទេ អោយច្បាប់ត្រូវមានបែបបទត្រឹមត្រូវ បើអ្នក
ណាអោយហើយ មិនធ្វើអាជីវកម្មតាមច្បាប់ ត្រូវដកចេញលប់ចោលជាបន្ទាន់ ។ .
ពាក់ព័ន្ធនិងការលើកឡើងរបស់ឯកឧត្តមអភិបាលខេត្ត លោក អ៊ុក រស់ ប្រធាន
មន្ទីរឧស្សាហកម្មរ៉ែ និងថាមពលខេត្តកំពង់ឆ្នាំងបានអោយដឹងនៅព្រឹកថ្ងៃទី៥ខែ
មករា ឆ្នាំ២០១៧នេះថា៖ សព្វថ្ងៃនេះអាជីវកម្មកិនថ្មសរុបមាន ចំនួន១២កន្លែង
ប៉ុន្តែដំណើរការបានតែ៧កន្លែងប៉ុណ្ណោះ ចំណែក៥កន្លែងទៀតមិនដំណើរការ
ឡើយ ។ នៅក្នុងឆ្នាំ២០១៦ថ្មីៗនេះដែរ មន្ទីរ បានលុបចោលច្បាប់អាជីវកម្មការ
ដ្ឋានកិនថ្មអស់ចំនួន៣ហើយ ដោយសារតែមិនដំណើរការតាមច្បាប់ នឹងបន្តលុបចោលច្បាប់អាជីវកម្មការដ្ឋានកិនថ្មភ្នំមួយចំនួនទៀត ។
លោក អ៊ុក រស់ បានបញ្ជាក់ថា៖ មូលហេតុ ដែលត្រូតបិទអាជីវកម្មការដ្ឋាន
មួយចំនួននោះគឺ គេមិនដំណើរការតាមច្បាប់អនុញ្ញាត ដោយខ្លះគ្មានច្បាប់ពី
ក្រសួងបរិស្ថាន ខ្លះមិនទាន់បំពាក់គ្រឿងចក្រ ខ្លះមិនទាន់មានជញ្ជីងថ្លឹងថ្ម
ត្រឹមត្រូវតាមច្បាប់កំណត់ ដោយឡែកមន្ទីរតម្រូវអោយបំពេញលក្ខខ័ណ្ណ
ដឹកជញ្ជូនមានដូចជា ត្រូវបោះព្រំ ធ្វើផ្លូវ ការដឹកថ្មតាមរថយន្តត្រូវមានគំរប
ត្រូវដឹកជញ្ជូនតាមផ្លូវដែលខេត្តកំណត់អោយ ពេលបោះត្រាលើវិក័យប័ត្រ
លក់ចេញត្រូវមកបោះនៅមន្ទីរ ដើម្បីត្រួតពិនិត្យការលក់ដូរ ការបង់ព័ន្ធជូនរដ្ឋ
និងត្រូវបំពាក់ GPS ទៀត ដើម្បីពិនិត្យមើលការដឹកចេញ គឺមានសិទ្ធដឹកលក់
តែក្នុងប្រទេសទេ បើដឹកចេញទៅលក់នៅក្រៅប្រទេស ត្រូវធ្វើច្បាប់ថ្មី។ ដោយឡែកប្រជាពលរដ្ឋ លើកឡើងថា៖ មានការដ្ឋានកិនថ្មខ្លះ មិនទាន់
គោរពគោលការច្បាប់ឡើយ ដូចជាខ្លះមិនបានធ្វើផ្លូវដឹកចេញអោយបាន
ល្អ ពេលដឹកជញ្ជូនអត់គ្របជ្រុះថ្ម និងហ៊ុយធ្វើអោយប៉ះពាល់ដល់ការរស់
នៅរបស់ប្រជាពលរដ្ឋ បង្កអោយខូចដល់ផ្លូវរបស់រដ្ឋ ខ្លះទៀតចំណុចត្រូវធ្វើ
អាជីវកម្មមិនធ្វើទេ តែបែរជាធ្វើហួសចូលទៅភ្នំផ្សេងទៀត ។ បញ្ហាខាងលើនេះ
ប្រជាពលរដ្ឋស្នើសុំមន្ទីរពាក់ព័ន្ធ មេត្តាជួយត្រួតពិនិត្យ និងទប់ស្កាត់ផង៕ vannak