កំពង់ឆ្នាំង៖ សម្តេចចៅហ្វាវាំងគង់សំអុលអ្នកតំណាងរាស្រ្តមណ្ឌលកំពង់ឆ្នាំងអញ្ជើញ
បានជួបសំណេះសំណាល និងផ្តល់អនុសាសន៍ដល់ សហភាពសហព័ន្ធយុវជនកម្ពុជា
ខេត្តកំពង់ឆ្នាំង នាព្រឹកថ្ងៃទី១៩ ខែវិច្ឆិកា ឆ្នាំ២០១៦នេះ នៅខេត្តកំពង់ឆ្នាំង។ សម្តេចចៅ
ហ្វាវាំងបានថ្លែងថា៖ យុវជនជាទំពាំងស្នងឬស្សីនិងជាកម្លាំងចលករយ៉ាងសំខាន់ នឹង
ក្លាយខ្លួនជាអ្នកបន្តវេន និងការចូលរួមក្នុងការអភិវឌ្ឍសង្គមជាតិអោយកាន់តែរីកចម្រើន
នាពេលអនាគត។ ក្នុងពិធីនេះមានការអញ្ជើញចូលរួមពីឯកឧត្តមទេសរដ្ឋមន្រ្តីគុយសុផល,
ឯកឧត្តមបណ្ឌិតអ៊ុករ៉ាប៊ុន,ឯកឧត្តមឈួរច័ន្ទឌឿនអភិបាលខេត្តកំពង់ឆ្នាំង,ឯកឧត្តមហេងពិទូ
ប្រធានស.ស.យ.កខេត្តលោកលោកស្រីប្រធានអង្គភាពជុំវិញខេត្តនិងសមាជិកសមាជិកា
ស.ស.យ.កសរុបចំនួន៧៦៥នាក់។
ឯកឧត្តមហេងពិទូប្រធានស.ស.យ.កខេត្តកំពង់ឆ្នាំង បានមានប្រសាសន៍ថា ៖ថ្ងៃនេះយើង
ខ្ញុំទាំងអស់គ្នាដែលជាយុវជន ជាទំពាំងស្នងឬស្សី ពិតជាមានសំណាងណាស់ ដែលបានសម្តេចចៅហ្វាវាំងគង់សំអុលអ្នកតំណាងរាស្រ្តមណ្ឌលខេត្តកំពង់ឆ្នាំង ចំណាយពេលវេលា
ដ៏មានតម្លៃរបស់សម្តេចទទួលជួបសំណេះសំណាល និងបានចែករំលែកបទពិសោធន៍ផ្ទាល់
របស់សម្តេច ដល់យើងខ្ញុំទាំងអស់គ្នា។ សម្តេចមានបទពិសោធន៍ចូលរួមចំណែកជាមួយ
សម្តេចអគ្គមហាពញាចក្រីហេងសំរិន,សម្តេចជាស៊ីមនិងសម្តេចអគ្គមហាសេនាបតីតេជោ
ហ៊ុនសែនព្រមទាំងសម្តេចឯកឧត្តមលោកជំទាវក្នុងការកសាងសុខសន្តិភាព ដំណើរការ
លទ្ធិប្រជាធិបតេយ្យ និងការអភិវឌ្ឍនៅកម្ពុជា ពីដើមរហូតដល់ពេលបច្ចុប្បន្ន នេះ។
ឯកឧត្តមហេងពិទូបានមានប្រសាសន៍បន្តថា៖ក្នុងនាមឯកឧត្តមប្រធានស.ស.យ.កខេត្តកំពង់ឆ្នាំងបានកសាងនិងការស្ម័គ្រចូលរួមជាមួយស.ស.យ.កខេត្តកំពង់ឆ្នាំង
សរុបទាំងថ្នាក់ខេត្តនិងក្រុងស្រុកទូទាំងមានចំនួន២.០៨៩នាក់,ក្នុងនោះបានកសាង
ស្នាក់ការរបស់ខេត្តសំរេចបានប្រមាណ៨០ភាគរយហើយមកដល់ពេលនេះ។ក្រៅពីការងារខាងលើសមាជិកសមាជិកាស.ស.យ.កខេត្តបានចូលរួមយ៉ាងសកម្ម
ក្នុងការអភិវឌ្ឍន៍ខេត្តនិងការងារសង្គមជាពិសេសសកម្មភាពមនុស្សធម៌ដើម្បីជួយ
សំរាលការលំបាកជូនប្រជាពលរដ្ឋយើង។មានប្រសាសន៍សំណេះសំណាលក្នុងឱកាសនោះសម្តេចចៅហ្វាវាំងគង់សំអុលបាន
មានប្រសាសន៍ថា៖ក្នុងរបបប៉ុលពតត្រូវបានបំផ្លាញខ្ទីចគ្មានសល់រាល់ហេដ្ឋារចនា
សម្ព័ន្ធរបស់ជាតិ។ក្រោយថៃ្ងរំដោះ៧មករាឆ្នាំ១៩៧៩សម្តេចអគ្គមហាពញាចក្រីហេងសំរិន,
សម្តេចអគ្គមហាធម្មពោធិសាល ជា ស៊ីម និងសម្តេចអគ្គមហាសេនាបតីតេជោ ហ៊ុន សែន
ព្រមទាំងឥស្សរជនជាច្រើនទៀត បានខិតខំពុះពារ ជំនះការលំបាកជាច្រើន ទើបប្រទេស
ជាតិយើងមានសុខសន្តិភាពស្ថេរភាពនិងការអភិវឌ្ឍលើគ្រប់វិស័យដល់ថៃ្ងនេះ។
សម្តេចចៅហ្វាវាំងក៏បានផ្តាំផ្ញើដល់សមាជិកសមាជិកាស.ស.យ.កទាំងអស់ក្នុងនាមជា
យុវជនទំពាំងស្នងឬស្សី គឺត្រូវខិតខំធ្វើយ៉ាងណាត្រូវ ថែរក្សាសុខសន្តិភាព និងស្ថេរភាព
សង្គមអោយបាន ដើម្បីកុំអោយប្រទេសកម្ពុជា ធ្លាក់ទៅក្នុងភ្លើងសង្គ្រាមម្តងទៀត។
នៅចុងបញ្ចប់សម្តេចចៅហ្វាវាំងគង់សំអុលបានបំពាក់គ្រឿងឥស្សរិយយសជូនដល់ថ្នាក់
ដឹកនាំស.ស.យ.កខេត្តចំនួន១៤រូបនិងបានចែកវត្ថុអនុស្សាវរីយ៍ដល់ស.ស.យ.ក
ក្រុងស្រុកផងដែរ៕vannak
