កំពង់ឆ្នាំង ៖ នៅព្រឹកថ្ងៃទី១៧ ខែកញ្ញា ឆ្នាំ២០១៦នេះ ដែលត្រូវជាថ្ងៃកាន់បិណ្ឌវេន
ទី១ឯកឧត្តមឈួរច័ន្ទឌឿនអភិបាលខេត្តកំពង់ឆ្នាំង និង លោកជំទាវ ព្រមទាំង
ឯកឧត្តមអភិបាលរងខេត្ត
ប្រធានអនុប្រធានមន្ទីរអង្គភាពជុំវិញខេត្ត មន្រ្តីរាជការ
ក្នុងក្រុងកំពង់ឆ្នាំងគ្រប់លំដាប់ថ្នាក់និងប្រជាពលរដ្ឋបានអញ្ជើញចូលរួមកាន់បិណ្ឌ
វេនទី១ នៅវត្តអារញ្ញការាមស្ថិតក្នុងភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង
ខេត្តកំពង់ឆ្នាំង។
ក្នុង ពិធីកាន់បិណ្ឌវេនទី១នេះផងដែរ ឯកឧត្តមឈួរច័ន្ទឌឿន និង លោកជំទាវ
ព្រមទាំងមន្រ្តីរាជ និង ប្រជាពលរដ្ឋ បាននាំយកនូវទេយ្យវត្ថុមួយចំនួន និង
បច្ច័យចំនួន៣.១១០.០០០រៀល ដើម្បីប្រគេនដល់ព្រះសង្ឃគង់ចាំព្រះវស្សានៅវត្តអារញ្ញការាម ទុកកសាង សមិទ្ធផលក្នុងវត្ត ហើយបានវេរប្រគេនចង្ហាន់ និង ទេយ្យវត្ថុ
ដល់ព្រះសង្ឃ អង្គក្នុងមួយៗសាដក១និង បច្ច័យមួយចំនួន។ លោកយាយជីតាជី
៤០នាក់ក្នុងម្នាក់ៗ ម៉ឺនរៀផងដែរ។ បន្ទាប់មកឯកឧត្តមឈួរច័ន្ទឌឿន និង
លោកជំទាវ ព្រមទាំងថ្នាក់ ដឹកនាំមន្រ្តីរាជការនិងប្រជាពលរដ្ឋបានបង្សុកូលនិង
បានរាប់បាត ដើម្បីឧទ្ទិសដល់វិញ្ញាណក្ខន្ធបងប្អូនជីដូនជីតា និង ញាតិកា
ទាំង៧សន្តាន ដែលបានចែកឋានទៅ ឧទ្ទិសដល់វិញ្ញាណក្ខន្ធ យុទ្ធជន យុទ្ធនារី
ដែលបានលះបង់ជីវិត ដើម្បីបុព្វហេតុជាតិ និង ប្រជាពលរដ្ឋដែលបានបាត់បង់
ជីវិត ក្នុងរបប ប៉ុលពតនិង សូមអោយមន្រ្តីរាជការ និង ប្រជាពលរដ្ឋទាំងអស់ ជួបតែ
សេចក្តីសុខគ្រប់ៗគ្នា។
ឯកឧត្តម បញ្ជាក់ថា៖ ពិធីបុណ្យភ្ជុំបិណ្ឌជាពិធីបុណ្យប្រពៃណីខ្មែរមួយ
ក្នុងចំណោមពិធីបុណ្យប្រពៃណីផ្សេងៗទៀត ដែលប្រជាជនខ្មែរបានប្រារព្ធធ្វើ
ហើយជារៀងរាល់ឆ្នាំ ពិធីបុណ្យភ្ជុំបិណ្ឌ តែងតែប្រារព្ធធ្វើរយៈពេល ១៥ថ្ងៃ ចាប់
ពីថ្ងៃ១រោច ខែ ភទ្របទ រហូតដល់ថ្ងៃ១៥រោច ដែលពិធីបុណ្យនេះ គេចាត់ទុកថា
ជាពិធីបុណ្យគោរពវិញ្ញាណក្ខន្ធ និង ការឧទ្ទិសមគ្គផលជូនដល់បុព្វការីជន ដែល
បានចែកឋានទៅ ហើយអោយបានទទួលកុសលផលបុណ្យ ព្រមទាំងបានរួច
ផុតពី បាបកម្មទាំងឡាយផងដែរ។
ឯកឧត្តមក៏បានផ្តាំផ្ញើដល់ប្រជាពលរដ្ឋទាំងអស់ដែលគ្រប់អាយុទៅធ្វើ
អត្តសញ្ញាណប័ណ្ណនិងទៅចុះឈ្មោះបោះឆ្នោតអោយបានគ្រប់ៗគ្នាតាមការ
កំណត់របស់គ.ជ.ប។ត្រូវចូលរួមគោរពច្បាប់ចរាចរណ៍អោយបានគ្រប់ៗគ្នា
និងជៀសអោយឆ្ងាយពីបទល្មើសផ្សេងៗដែលខុសច្បាប់៕vannak
