នៅព្រឹកថៃ្ងទី២៥ ខែកក្កដា ឆ្នាំ២០១៦ ឯកឧត្តម ឈួរ ច័ន្ទឌឿន អភិបាលខេត្តបានអញ្ជើញចូលលរួមសំណេះសំណាល និងចែកអត្ដសញ្ញាណប័ណ្ណដល់ប្រជាពលរដ្ឋ៦៦៧នាក់នៅភូមិច្រករមៀត ឃុំឈូកស ស្រុកកំពង់ត្រឡាច ខេត្តកំពង់ឆ្នាំង។ ក្នុងនោះក៏មានការអញ្ជើញចូលរួមពីឯកឧត្តម លោកជំទាវ សមាជិក សមាជិកាក្រុមប្រឹក្សាខេត្ត អភិបាលស្រុក លោក លោកស្រីប្រធាន អនុប្រធានមន្ទីរជុំវិញខេត្តផងដែរ។
ថ្លែងក្នុងពិធីនោះ ឯកឧត្តមអភិបាលខេត្ត បានផ្តាំផ្ញើដល់ប្រជាពលរដ្ឋទាំងអស់ថា៖ឲ្យខិតខំបង្កបង្កើនផលទាន់រដូវកាលដើម្បីបានភោគផលសំរាប់ផ្គត់ផ្គង់ជីវភាពប្រចាំថៃ្ង ចូលរួមធ្វើអត្តសញ្ញាណប័ណ្ណឲ្យបានគ្រប់គ្នាៗព្រោះអត្តសញ្ញាណប័ណ្ណមានសារៈសំខាន់សំរាប់យើងទាំងអស់គ្នា សូមទៅចូលរួមចុះឈ្មោះបោះឆ្នោតអោយបានទាំងអស់គ្នាតាមការកំណត់របស់គ.ជ.ប.នាពេលខាងមុខ សូមកុំធ្វើចំណាកស្រុកខុសច្បាប់ ត្រូវអប់រំកូនចៅធ្វើយ៉ាងណាចៀសឆ្ងាយពីគ្រឿងញៀន និងអំពើអបាយមុខផ្សេងៗដែលសង្គមស្អប់ខ្ពើម និងមិនត្រូវចាញ់បោកពួកអគតិមួយចំនួនដែលដើរតែសន្យាហើយមិនបានធ្វើអ្វីទាំងអស់នោះទេ ត្រូវមានការប្រុងប្រយ័ត្នចំពោះភ្លៀង ខ្យល់ រន្ទះ ព្រោះខែនេះជារដូវវស្សាពេលធ្លាក់ភ្លៀងអាចបណ្តាលអោយមានខ្យល់កន្ត្រាក់ធ្វើឱ្យរលំផ្ទះ ធ្វើយ៉ាងណាកុំអោយមានគ្រោះថ្នាក់ ដោយរស់នៅស្អាត ហូបស្អាត និងផឹក
ទឹកស្អាត ជាពិសេសត្រូវចូលរួមគោរពច្បាប់ចរាចរណ៍ផ្លូវគោកថ្មី និងអនុវត្តអោយបានតាមអនុសាសន៍របស់សម្តេចតេជោហ៊ុន សែន គឺ(ថៃ្ងនេះ ថៃ្ងស្អែកកុំអោយមានគ្រោះថ្នាក់ចរាចណ៍)។
