នៅព្រឹកថ្ងៃទី២៩ ខែកក្កដា ឆ្នាំ២០១៦ លោកជំទាវ កែ ច័ន្ទមុនី អ្នកតំណាងរាស្រ្តមណ្ឌលកំពង់ឆ្នាំង រួមដំណើរដោយឯកឧត្តមស៊ុន សុវណ្ណារិទ្ធ អភិបាលរងខេត្ត លោកថោង ចំរើន ប្រធានមន្ទីរសង្គមកិច្ចខេត្ត ព្រមទាំងសហការីបានចុះសាកសួរសុខទុក្ខ និងនាំយកអំណោយផ្ទាល់ខ្លួននិងព្រះសង្ឃជូនដល់គ្រួសាររងគ្រោះរលំផ្ទះដោយខ្យល់កន្រ្តាក់ និងគ្រួសារជួបការលំបាកចំនួន៥គ្រួសារនៅភូមិកំពង់អុស ឃុំកំពង់អុស ស្រុកជលគីរី ខេត្តកំពង់ឆ្នាំង។
លោកថោង ចំរើន បានអោយដឹងថា៖អំណោយដែលបានផ្ដល់ជូនមានចំនួន៥គ្រួសារក្នុងមួយគ្រួសារៗទទួលបានអង្ករ៥០គីឡូក្រាម មី១កេស ទឹកស៊ីអ៊ីវ១យួរ ទឹកត្រី១យួរ ឃីតមួយកញ្ចប់ និងថវិកា៥០.០០០រៀល ក្រៅពីនេះ លោកជំទាវក៏បានឧបត្ថម្ភក៏ដល់អ្នកចូលរួម១០នាក់ក្នុងម្នាក់ៗទទួលបាន១០.០០០រៀលផងដែរ។លោកបានបន្តថា៖អំណោយនិងថវិកាដែលបានចែកជូនថៃ្ងនេះបានពីការជួយឧបត្ថម្ភពីលោកជំទាវ កែ ច័ន្ទមុនី ឯកឧត្តមស៊ុន សុវណ្ណារិទ្ធ លោកនិងមន្រ្តីមន្ទីរសង្គមកិច្ចខេត្ត ព្រះអង្គហែម ឡូត ព្រះគ្រូចៅអធិការវត្តវាលុការាម ហៅវត្តទួលខ្សាច់ ព្រះអង្គខុន ថុន ព្រះវិន័យធរគណខេត្ត និងជាព្រះអនុគណក្រុងកំពង់ឆ្នាំង និងព្រះអង្គព្រហ្ម នរៈសិដ្ឋ ព្រះគ្រូចៅអធិការវត្តទេពធីតារាម ហៅវត្តយាយទេព។
ឆ្លៀតក្នុងឪកាសនោះដែរ លោកជំទាវក៏ បានសំណូមពរសូមអោយបងប្អូនប្រជាពលរដ្ឋនៅគ្រប់មូលដ្ឋានរស់នៅហូបចុក ត្រូវមានអនាម័យល្អ ចៀសវាងការកើតមានជំងឺដង្កាត់ផ្សេងៗ យាយីនៅក្នុងគ្រួសារ ដែលធ្វើអោយខាតបង់ថវិកានៅក្នុងគ្រួសារ ដែលកំពុងតែជួបការខ្វះខាត។
