កំពង់ឆ្នាំងៈ ឯកឧត្តម ឥត សារ៉ាត់ មេបញ្ជាការរងកងយោធិពលខេមរភូមិន្ទ
បានផ្តាំផ្ញេីដល់ប្រជាពលរដ្ឋដែលមាន គ្រប់អាយុបោះឆ្នោត ត្រូវត្រៀម
ឯកសារដើម្បីចូលរួមបោះឆ្នោតជ្រើសរើសក្រុមប្រឹក្សារឃុំ សង្កាត់ ដែលនឹង
ឈានមដល់ក្នុងពេលដ៍ខ្លីខាងមុខនេះ ។ ឯកឧត្តមបានផ្តាំផ្ញេីបែបនេះក្នុង
ពេលឯកឧត្តមអញ្ជើញកាត់ខ្សែបូរសម្ពោធដងទង់ព្រះពុទ្ធសាសនាវត្តសំរោង
សង្កាត់កំពង់ឆ្នាំង ក្រុងកំពង់ឆ្នាំង នាព្រឹកថ្ងៃទី១៨.២.២០១៧។
ឯកឧត្តមឥត សារ៉ាត់ បានគូសបញ្ជាក់ទៀតថា ការបោះឆ្នោតជ្រើសរើស
ក្រុមប្រឹក្សាឃុំសង្កាត់អាណត្តិទី៣ នឹងត្រូវចាប់ផ្តើមនៅក្នុងអំឡុងខែមិថុនា
ឆ្នាំ២០១៧ ខាងមុខនេះ ហើយដើម្បីបំពេញកាតព្វជាប្រជាពលរដ្ឋមួយរូប ប្រជាពលរដ្ឋត្រូវទៅចូលរួមបោះឆ្នោតអោយបានគ្រប់ៗគ្នា ក្នុងការជ្រើស
រើសថ្នាក់ដឹកនាំនៅមូលដ្ឋានរបស់ខ្លួនដែលយើងពេញចិត្ត សម្រាប់ធ្វើការ
អភិវឌ្ឍន៍អោយមានការីកចំរើន ។
ឯកឧត្តមបានបញ្ជាក់ទៀតថា ដើម្បីចូលរួមបោះឆ្នោតបាន ប្រជាពលរដ្ឋ
គ្រប់រូប ដែលមានឈ្មោះក្នុងបញ្ជីបោះឆ្នោត ត្រូវមានអត្តសញ្ញាណប័ណ្ណ
សម្គាល់ខ្លួន ឬ ឯកសារស្របច្បាប់ ដែលអនុញ្ញាតដោយគណកម្មាធិការ
ជាតិរៀបចំការបោះឆ្នោត កាន់យកទៅបោះឆ្នោត ហើយបើពុំមានឯកសារ
កិត្តិយុត្តិទាំងនេះទេ ពុំអាចទៅបោះឆ្នោតបាននោះទេ ។
មានប្រសាសន៍នៅក្នុងឱកាសនោះឯកឧត្តមឈួរ ច័ន្ទឌឿន អភិបាលខេត្ត
កំពង់ឆ្នាំង បានគូសបញ្ជាក់ថា ស្ថិតក្នុងដំណាក់កាលនៃការអភិវឌ្ឍន៍នា
ពេលបច្ចុប្បន្នខេត្តកំពង់ឆ្នាំង កំពុងតែ មានការរីកចំរើនជាបន្តបន្តបន្ទាប់
លើគ្រប់វិស័យ ធ្វើអោយខេត្តមានការផ្លាស់ប្តូរនិងប្រែមុខមាត់ថ្មី ទាំងកំរិត
ជីវភាពរស់នៅរបស់ប្រជាពលរដ្ឋ សោភ័ណ្ឌភាពនិង អនាម័យក្នុងខេត្តមាន
ភាពល្អប្រសើរ ដែលអាចទាក់ទាញបាននូវវិនិយោគទុន ទេសចរណ៍ជាតិ
និង អន្តរជាតិ ចូលមកខេត្តកំពង់ឆ្នាំងកាន់តែច្រើនឡើងៗ ដែលកត្តាទាំងនេះ
គឺដោយសារប្រទេសកម្ពុជា មានសុខសន្តិភាពពេញលេញ ដោយបាន
អនុវត្តជាប្រចាំនូវគោលនយោបាយភូមិឃុំមានសុវត្ថិភាពទាំង៩ចំណុច
របស់រាជរដ្ឋាភិបាល ។
គួរបញ្ជាក់ថា ដងទង់ដែលដាក់សម្ពោធឆ្លងនាពេលនេះ កសាងឡើងដោយ
ឯកឧត្តម ឥត សារ៉ាត់ និងលោកជំទាវ រួមនិងសប្បុរសជននានា ដោយចំណាយ
ថវិកាអស់ប្រមាណជិត៣ម៉ឺនដូល្លា និង បានចាក់ដីបំពេញទីធ្លាវត្តផងដែរ ។
ក្នុងឱកាសនោះឯកឧត្តមគណអធិបតីបានអញ្ជើញកាត់ខ្សែបូ និង បង្ហូតទង់
សាសនាផងដែរ ។vannak
