កំពង់ឆ្នាំង ៖ ឯកឧត្តមអ៊ុងទីលេខាធិការគណៈកម្មការទី៧ព្រឹទ្ធសភានិងជា
ប្រធានសមាគមន៍គ្រឹស្ទប្រូតេស្តង់កម្ពុជាបានដឹកនាំក្រុមគ្រូពេទ្យស្ម័គ្រចិត្ត
ចំរុះជាតិសាសន៍របស់សម្តេចវិបុលសេនាភក្តីសាយឈុំប្រធានព្រឹទ្ធសភា
សរុបចំនួន២៤រូបចុះពិនិត្យនិងព្យាបាលជំងឺទូទៅជូនប្រជាពលរដ្ឋចំនួន
៣២៥នាក់ដោយឥតគិតថៃ្លនៅភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង
ខេត្តកំពង់ឆ្នាំងនាព្រឹកថៃ្ងទី១៧ខែតុលាឆ្នាំ២០១៦ដោយមានការអញ្ជើញចូល
រួមពីឯកឧត្តមហ៊ីណាតអភិបាលរងខេត្តថ្នាក់ដឹកនាំមន្ទីរសុខាភិបាលខេត្តនិង
អាជ្ញាធរដែនដីចូលរួមផងដែរ។
ឯកឧត្តម អ៊ុង ទី បានមានប្រសាសន៍ថា៖ ក្រុមគ្រូពេទ្យស្ម័គ្រចិត្តចំរុះជាតិ
សាសន៍ចុះមកពិនិត្យ និងព្យាបាលជំងឺជូន បងប្អូនប្រជាពលរដ្ឋដោយឥត
ថ្លៃនៅថ្ងៃនេះ គឺមានគោលបំណងចង់បំពេញនូវសកម្មភាពមនុស្សធម៌ និង
ផ្ដល់ភាពកក់ក្ដៅ ព្រោះសុខភាពរបស់ ប្រជាពលរដ្ឋម្នាក់ៗ ជាគ្រឹះជាសសរទ្រូង
និងជា កម្លាំងធនធានដែលមានតម្លៃមិនអាច កាត់ថ្លៃ បានសម្រាប់ អភិវឌ្ឍន៍
ប្រទេសជាតិហើយសុខភាពក៏ជាបញ្ហាចំបងធ្វើអោយសង្គមគ្រួសារមាន
ការរីកចំរើនផងដែរ។
ឯកឧត្តមក៏បានមានប្រសាសន៍បញ្ជាក់ទៀតថា៖ ក្រោមការដឹកនាំដ៏ឈ្លាស
វៃរបស់សម្ដេចអគ្គមហាសេនាបតីតេជោ ហ៊ុន សែន បានដាក់ចេញនូវយុទ្ធសាស្ត្រ ចតុកោណដំណាក់កាលទី១ទី២និងទី៣ដែលមានលក្ខណៈ ប្រទាក់ក្រឡាគ្នាលើ
គ្រប់វិស័យ ដើម្បីកំណើន ការងារសមធម៌ និងប្រសិទ្ធភាពនៅកម្ពុជាជាពិសេសការ
លើកកម្ពស់ការផ្ដល់សេវាសុខភាពសាធារណៈជូនប្រជាពលរដ្ឋជាពិសេសជនក្រីក្រ
ស្ត្រីនិង កុមារត្រូវបានកំណត់ក្នុងផែនការ យុទ្ធសាស្ដ្រសុខា ភិបាល២០១៣-២០១៨
ដែលជាលទ្ធផលរាជរដ្ឋាភិបាល សម្រេចបានសមិទ្ធផល ដ៏ធំធេងដូចជាការបញ្ចប់
សង្គ្រាម និងទទួលបានសុខ សន្តិ ភាព ពេញលេញ។
ប្រជាពលរដ្ឋដែលបានមកពិនិត្យនិងព្យាបាលជំងឺទាំង៣២៥នាក់ក្នុងក្រុងកំពង់
ឆ្នាំងបានថ្លែងអំណរគុណយ៉ាងជ្រាវជ្រៅដល់សម្តេចវិបុលសេនាភក្តីសាយឈុំ
ប្រធានព្រឹទ្ធសភា សម្តេចអគ្គមហាសេនាពញាចក្រីហេងសំរិនប្រធានរដ្ឋសភា
សម្តេចអគ្គមហាសេនាបតីតេជោហ៊ុនសែននាយករដ្ឋមន្រ្តី ឯកឧត្តមអ៊ុងទីនិង
ក្រុមគ្រូពេទ្យទាំងដែលបានយកចិត្តទុកដាក់ព្យាបាលជំងឺជូនពួកគាត់។ប្រជាពលរដ្ឋបានជូនពរដល់សម្តេច,ឯកឧត្តមនិងក្រុមគ្រូពេទ្យទាំងអស់សូមមាន
សុខភាពល្អជន្មាយុយឺនយូដើម្បីដឹកនាំប្រទេសកម្ពុជាអោយកាន់តែរីកចំរើននិង
ទទួលបានសមិទ្ធផលធំៗថ្មីថែមទៀត៕vannak
