ឯកឧត្តមឈួរ ច័ន្ទឌឿន អភិបាលខេត្តកំពង់ឆ្នាំងជួបសំណេះសំណាល និងចែកអត្តសញ្ញាណប័ណ្ណសញ្ជាតិខ្មែរ ជូនប្រជាពលរដ្ឋចំនួន២.៧៩០នាក់នៅក្នុងឃុំពាម ស្រុកសាមគ្គីមានជ័យ


អត្តសញ្ញាណប័ណ្ណ​មាន​សារៈសំខាន់​សម្រាប់​សម្គាល់​សញ្ជាតិ​ខ្មែរ ធានា​សិទិ្ធ​សេរីភាព និង​កាតព្វកិច្ច​របស់​ប្រជាពលរដ្ឋ​ម្នាក់ៗ​អាច​យក​ទៅ​ប្រើ​ប្រាស់​បាន​ដោយ​ស្របច្បាប់ ធានា​ផលប្រយោជន៍​ប្រជាពលរដ្ឋ​ម្នាក់ៗ​ក្នុង​ការ​ចូល​បំរើ​ការងារ​ផ្សេងៗ​បាន​ដោយ​ស្រប​ច្បាប់ និង​សម្រាប់​ចូល​រួម​ចុះ​ឈ្មោះ​បោះ​ឆ្នោត និង​ទៅ​បោះ​ឆ្នោត​ជ្រើស​តំណាង​របស់​ខ្លួន​ក្នុង​នាម​បំពេញ​តួនាទី និង​កាតព្វកិច្ច​របស់​ខ្លួន​ជា​ពលរដ្ឋ​ស្រប​ច្បាប់​។ ឯកឧត្តម​បាន​មាន​ប្រសាសន៍​បែប​នេះ​នៅ​ពេល​ដែល​ឯកឧត្តម​អញ្ជើញ​ជា​អធិបតីភាព​ក្នង​ពិធី​ជួប​សំណេះ​សំណាល និង​ចែក​អត្តសញ្ញាណប័ណ្ណ​សញ្ជាតិ​ខ្មែរ​ជូន​ប្រជាពល​រដ្ឋ​ចំនួន​២.៧៩០នាក់ នា​ព្រឹក​ថៃ្ងទី​៦ ខែកុម្ភៈ ឆ្នាំ២០១៦ នៅ​ក្នុង​វត្តត្រពាំងខ្មៅ ស្ថិត​នៅ​ក្នុង​ភូមិ​ពាម ឃុំ​ពាម ស្រុក​សាមគ្គី​មាន​ជ័យ ខេត្ត​កំពង់​ឆ្នាំង​។

ឯកឧត្តម អភិបាល​ខេត្ត​បាន​មាន​ប្រសាសន៍​បន្ត​ថា៖ ប្រទេស​កម្ពុជា​ក្រោម​ការ​ដឹក​នាំ​របស់​សម្តេច​អគ្គមហាសេនាបតីតេជោ ហ៊ុន សែន ជា​នាយក​រដ្ឋមន្ត្រី បាន​ធ្វើ​អឲ្យ​ប្រទេស​ជាតិ​មាន​សុខសន្តិភាព ស្ថេរភាព និង​រក្សា​បាន​សណ្តាប់​ធ្នាប់​សង្គម​បាន​ល្អ​គ្រប់​ទី​កន្លែង ដែល​កត្តា​ទាំង​អស់​នេះ​បាន​ធ្វើ​ឲ្យ​ប្រទេស​កម្ពុជា​មាន​ការ​អភិវឌ្ឍន៍​លើ​
គ្រប់​វិស័យ និង​បាន​ធ្វើ​ឲ្យ​ជីវភាព​ប្រជាពលរដ្ឋ​នៅ​ទូទាំង​ប្រទេស​មាន​ភាព​រីកចំរើន​ជា​លំដាប់​ផងដែរ​។ទន្ទឹម​នឹង​មាន​ការ​រីក​ចំរើន​លើ​គ្រប់​វិស័យ ប្រជាពលរដ្ឋ​គ្រប់​រូប​ដែល​មាន​អាយុ​ចាប់​ពី​១៥ឆ្នាំ​ឡើង​ទៅ ក៏​ត្រូវ​ការ​ជា​ចាំ​បាច់​នូវ​អត្តសញ្ញាណប័ណ្ណ​សញ្ជាតិ​សម្រាប់​ប្រើ​ប្រាស់​ការងារ​ផ្ទាល់​ខ្លួន។

ឯកឧត្តម ក៏​បាន​ផ្តាំ​ផ្ញើ​ដល់​ប្រជាពលរដ្ឋ​ថា៖សូម​បង​ប្អូន​យក​អត្តសញ្ញាណប័ណ្ណ​សញ្ជាតិ​ខ្មែរ​គំរូ​ថ្មី​នេះ ដែល​មិន​អាច​ខ្វះ​បាន​នេះ​ទៅ​ប្រើ​ប្រាស់​តាម​តំរូវ​ការ​ចុះ តែ​សូម​ចេះ​ថែ​រក្សា​ឲ្យ​បាន​គង់វង្ស​ល្អ កុំ​ឲ្យ​ខូច​ខាត​បាត់​បង់ ព្រោះ​អត្តសញ្ញាណប័ណ្ណ​ថ្មី​នេះ​មាន​សុពលភាព​រហូត​ដល់​១០ឆ្នាំ​។ ដោយ​កុំ​យក​អត្តសញ្ញាណប័ណ្ណ​នេះទៅ​ឲ្យ​គេ​ខ្ចី​យក​ទៅ​ថត​ចម្លង​ធ្វើ​ការងារ​ខុស​ច្បាប់​ផ្សេងៗ​ដែល​នាំ​ឲ្យ​មាន​ផល​លំបាក​ដល់​ខ្លួន ឬ​ដាក់​ប្រចាំ​ខ្ចី​ប្រាក់​ពី​អង្គការ​ផ្សេងៗ ព្រោះ​ថា​ការ​បោះ​ឆ្នោត​ឃុំ សង្កាត់​ជិត​មក​ដល់​ហើយ ឯកឧត្តម​សង្ឃឹម​ថា បង​ប្អូន​ដែល​មាន​អត្តសញ្ញាណប័ណ្ណ​នឹង​អាច​បំពេញ​កាតព្វកិច្ច​ជា​ពលរដ្ឋ​ល្អ​ចូល​រួម​បោះ​ឆ្នោត​ជ្រើស​រើស​ក្រុម​ប្រឹក្សា​ឃុំ  សង្កាត់​ដែល​ជា​តំណាង​ស្រប​ច្បាប់​របស់​ខ្លួន​នៅ​ក្នុង​ថ្ងៃ​ខាង​មុខ​នេះ ដើម្បី​ការពារ​ផលប្រយោជន៍ និង​ដើម្បី​អភិវឌ្ឍ​មូលដ្ឋាន​ឲ្យ​មាន​ជីវភាព​ប្រសើរ​ឡើង​។

អាជ្ញាធរ​ដែន​ដី​បាន​រាយ​ការណ៍​ឲ្យ​ដឹង​ថា៖ ថ្ងៃ​នេះ​ប្រជាពលរដ្ឋចំនួន​១២​ភូមិ​ស្មើនឹង​២.៧៩០​នាក់ នៅ​ក្នុង​ឃុំពាម ស្រុក​សាមគ្គី​មាន​ជ័យ ត្រូវ​បាន​ទទួល​អត្តសញ្ញាប័ណ្ណ​សញ្ជាតិ​ខ្មែរ​គំរូ​ថ្មី​សម្រាប់​យក​ទៅ​ប្រើ​ប្រាស់​តាម​តម្រូវ​ការ​ផ្ទាល់​ខ្លួន​ដោយ​មិន​អាច​ខ្វះ​បាន​ឡើយ ដែល​កន្លង​មក​ប្រជាពលរដ្ឋ​មួយ​ចំនួន​ធំ​នៅ​ក្នុង​ស្រុក​សាមគ្គី​មានជ័យ បាន​ទទួល​អត្តសញ្ញាណប័ណ្ណ​សញ្ជាតិ​ខ្មែរ​គំរូ​ថ្មី​នេះ​រួច​ហើយ និង​នៅ​សល់​ប្រជាពលរដ្ឋ​មួយ​ចំនួន​តូច​ទៀត ដែល​និង​ត្រូវ​ចែក​ជូន​ជា​បន្ត​បន្ទាប់​។

នៅ​ក្នុង​ពិធី​នេះ​ដែរ ឯកឧត្តម ឈួរ ច័ន្ទឌឿន ក៏​បាន​ឧបត្ថម្ភ​ថវិកា​ដល់​លោក​សមត្ថកិច្ច​ទាំង​៣​ប្រភេទ និង​ស្វ័យ​ការពារ ដោយ​ក្នុង​មួយ​អង្គភាព​ៗទទួល​បាន​ថវិកា​ចំនួន​១០ម៉ឺន​រៀល​ផងដែរ​។

១

២

៣

៤

៥

៦