កំពង់ឆ្នាំង៖ យោងប្រកាសលេខ៨០៥៦ប្រ.កចុះថៃ្ងទី៣១ខែ១០ឆ្នាំ២០១៦របស់ក្រសួង
មហាផ្ទៃលោកឡុចវណ្ណារ៉ាស្នងការរងនគរបាលខេត្តកំពង់ឆ្នាំងត្រូវបានតែងតាំងជាស្នង
ការនគរបាលខេត្តកំពង់ឆ្នាំងជំនួសលោកប្រាក់វុឌ្ឍីដែលត្រូវចូលនិវត្តន៍។ពិធីប្រកាសតែងតាំងនេះប្រារព្ធក្រោមអធិបតីភាពឯកឧត្តមនាយឧត្តមសេនីយ៍នេតសារឿន
អគ្គស្នងការនគរបាលជាតិនិង ឯកឧត្តមឈួរ ច័ន្ទឌឿន អភិបាលខេត្តកំពង់ឆ្នាំង ដោយ
មានការចូលរួមពី លោកលោកស្រីប្រធានមន្ទីរ អង្គភាពជុំវិញខេត្តអភិបាលក្រុង ស្រុក
និងមន្រ្តីនគរបាលគ្រប់ជាន់ថ្នាក់ ព្រឹកថ្ងៃទី១០ ខែវិច្ឆិកាឆ្នាំ២០១៦ នៅសាលប្រជុំស្នង
ការដ្ឋាននគរបាលខេត្តកំពង់ឆ្នាំង ។
បន្ទាប់ពីលោកតំណាងនាយកដ្ឋានបុគ្គលិកនៃក្រសួងមហាផ្ទៃបានអានព្រះរាជក្រឹត្យ
និងប្រកាសរួចមកគណៈអធិបតីបានបំពាក់សក្តិ,ប្រគល់ប្រកាស និង ប្រគល់ត្រាជូនលោក
ឡុចសុវណ្ណារ៉ាស្នងការនគរបាលខេត្តកំពង់ឆ្នាំងថ្មី ។
លោកឡុចសុវណ្ណារ៉ាបានធ្វើការប្តេជ្ញាចិត្តដោយខិតខំយក ចិត្តទុកដាក់ក្នុងការបំពេញ
ភារកិច្ចអោយអស់ពីកំលាំងកាយចិត្ត ចូលរួមអនុវត្តកម្មវិធីកំណែទម្រង់ស៊ីជម្រៅគ្រប់
វិស័យរបស់ រាជរដ្ឋាភិបាល ខិតខំបំពេញភារកិច្ចដោយគោរព និងអនុវត្តអោយបាន
ម៉ឺងមាត់តាមច្បាប់ និងបទបញ្ញត្តិនានារបស់រដ្ឋ និងអាជ្ញាធរមូលដ្ឋានសហការជាមួយ
បណ្ដាមន្ទីរអង្គភាពជុំវិញខេត្ត រាល់ការអនុវត្តភារកិច្ចអោយបានរលូន រៀបចំប្រព័ន្ធគ្រប់
គ្រងការងារជំនាញតាមរចនាសម្ព័ន្ធដែលច្បាប់បានកំណត់ សាមគ្គីផ្ទៃក្នុងអោយបានល្អ
ជាពិសេសសហការមួយអាជ្ញាធរដែនដីគ្រប់លំដាប់ថ្នាក់ដើម្បីរួមចំណែកសកម្មភាព
អភិវឌ្ឍន៍ជាមួយអាជ្ញាធរខេត្តនិងអាជ្ញាធរមូលដ្ឋានគ្រប់លំដាប់ថ្នាក់អោយកាន់តែមាន
ការរីកចំរើននៅសមទ្ធផលថ្មីៗថែមទៀតនិងធានារក្សាសន្តិសុខសុវត្ថិភាពជូនប្រជាពល
រដ្ឋអោយបានល្អប្រសើរ។
មាន ប្រសាសន៍សំណេះសំណាលនៅក្នុងពិធីនោះឯកឧត្តមឈួរ ច័ន្ទឌឿន និង ឯកឧត្តមនាយឧត្តមសេនីយ៍នេតសាវឿន បានមានប្រសាសន៍សង្កត់ធ្ងន់លើការអនុវត្ត
គោលនយោបាយ កំណែទម្រង់ស៊ីជំរៅរបស់រាជរដ្ឋាភិបាល និងការបំរើសេវាជូនប្រជាពលរដ្ឋ។
ឯកឧត្តមឈួរ ច័ន្ទឌឿន និង ឯកឧត្តមនាយឧត្តមសេនីយ៍នេតសាវឿនបានផ្ដាំផ្ញើដល់ស្នងការ
ទើបតែងតាំងថ្មី អោយខិតខំបំពេញភារកិច្ចអោយបានល្អក្នុងការគ្រប់គ្រងបែងចែកតួនាទី
ភារកិច្ចដល់មន្ត្រីក្រោមឱវាទអោយបានច្បាស់លាស់ត្រឹមត្រូវ តាមសមត្ថភាព និងអនុវត្ត
កម្មវិធីកំណែទម្រង់របស់រាជរដ្ឋាភិបាលអាណត្តិទី៥ដែលមានសម្តេចតេជោសែនជាប្រមុខ។
ការធ្វើកំណែទម្រង់វាមានសារៈសំខាន់ជាច្រើនចំពោះមន្ត្រីរាជការ ពិសេសគឺការលុបបំបាត់
ភាពអសកម្ម លុបបំបាត់អំពើពុករលួយ និង មានតម្លាភាពចំពោះមន្រ្តីរាជការ របស់
ខ្លួនហើយសហការជាមួយអាជ្ញាដែនដីគ្រប់លំដាប់ថ្នាក់ ឆ្ពោះទៅអភិវឌ្ឍន៍នៅមូលដ្ឋានដើម្បី
រួមចំណែកយ៉ាងសកម្មសំដៅកាត់បន្ថយភាពក្រីក្ររបស់ប្រជាជនយើងជាពិសេសត្រូវធានា
អោយបានសន្តិសុខសុវត្ថិភាពជូនប្រជាពលរដ្ឋអោយបានល្អប្រសើរ៕vannak
