ឯកឧត្តមស៊ុនចាន់ថុលអញ្ជើញជាអធិបតីភាពជួបសំណេះសំណាលនិងបំពាក់គ្រឿងឥស្សរិយយសជូនមន្ត្រី រាជការ នៃមន្ទីរសាធារណការ និងដឹកជញ្ជូន ខេត្តកំពង់ឆ្នាំងនិងខេត្តពោធិ៍សាត់


កំពង់ឆ្នាំង ៖ នារសៀលថៃ្ងទី២០ខែកញ្ញាឆ្នាំ២០១៦នៅសាលប្រជុំ​មន្ទីរ
សាធារណៈការ និងដឹកជញ្ជូន ខេត្តកំពង់ឆ្នាំងឯកឧត្តម​​ ស៊ុន ចាន់ថុល
ទេសរដ្ឋមន្រ្តីរដ្ឋមន្រ្តីក្រសួង ក្រសួងសាធារណការ និងដឹកជញ្ជូន

និងឯកឧត្តមឈួរច័ន្ទឌឿនអភិបាលខេត្តកំពង់ឆ្នាំងបានអញ្ជើញជាអធិបតី
ភាពក្នុងពិធី ជួបសំណេះសំណាលនិងបំពាក់គ្រឿងឥស្សរិយយស
ជូនមន្ត្រីរាជការ នៃមន្ទីរសាធារណការ និងដឹកជញ្ជូន ខេត្តកំពង់ឆ្នាំង។
ក្នុងពិធីនោះមានការអញ្ជើញចូលរួមពីឯកឧត្តមលោកជំទាវប្រតិភូ
ក្រសួងសាធារណៈការនិងដឹកជញ្ជូនលោកលោកស្រីប្រធានអង្គ
ភាពជុំវិញខេត្តលោកលោកស្រីមន្រ្តីរាជការមន្ទីរសាធារណៈនិង
ដឹកជញ្ជូនខេត្តកំពង់ឆ្នាំងនិងខេត្តពោធិ៍សាត់ផងដែរ។
មានប្រសាសន៍សំណេះសំណាលក្នុងឱកាសនោះ​ ឯកឧត្តមទេសរដ្ឋ
មន្រ្តី បានជម្រាបជូន​អ្នកចូលរួម មកពី​ខេត្តទាំងពីរ អំពីការធ្វើកំណែ
ទម្រង់ នាពេលបច្ចុប្បន្ន របស់ក្រសួងសាធារណការ និងដឹកជញ្ជូន
ទាក់ទងនឹងកាត់បន្ថយគ្រោះថ្នាក់ចរាចរណ៍ នៅតាមដងផ្លូវ ​ការធ្វើឲ្យ
ប្រសើរឡើង និង​បង្ខិត​សេវាសាធារណៈ ឲ្យទៅជិតប្រជាពលរដ្ឋ ​ការកែ
លម្អ​ និងរក្សា​គុណភាពផ្លូវថ្នល់​ជាដើម។

​ឯកឧត្តមទេសរដ្ឋមន្រ្តី ស៊ុន ចាន់ថុល បានជំរុញលើកទឹកចិត្តឲ្យ មន្ត្រី
ទាំងអស់​រួបរួមសហការ​​គ្នា ​បន្ត​ផ្តល់សេវាសាធារណៈ ប្រកបដោយ
ប្រសិទ្ធភាព និង​តម្លាភាព ដើម្បីលើកកម្ពស់កម្រិត​ជីវភាព ​​ប្រជាពលរដ្ឋ​​
ដែលយើងទាំងអស់គ្នា មានកាតព្វកិច្ចបម្រើពួកគាត់។

នៅចុងបញ្ចប់ឯកឧត្តមក៏បានបំពាក់គ្រឿងឥស្សរិយយសដល់មន្រ្តីរាជការ
ដែលមានគុណសម្បត្តិក្នុងការបំពេញភារកិច្ចជូនជាតិមាតុភូមិនិងបាន
ចែកអំណោយជូនមន្រ្តីរាជការផងដែរ៕vannak

14409032_608954045959477_105763816_n 14398074_608954042626144_1854395029_n14389938_608954279292787_705569044_n 14407591_608954339292781_83090786_n  14429570_608954305959451_1050119713_n 14429666_608954259292789_2132708829_n 14442629_608954192626129_242762103_n 14445415_608954172626131_431724473_n 14445440_608954202626128_1152607983_n